Toenemende belangstelling in volhoubare reise - opnames

ANNE KRUGER, GSTBlog - Volhoubare reis is die hedendaagse gonswoord, maar opnames toon dat koste steeds koning is by verbruikers.

‘n Verslag deur die World Travel & Tourism Council toon dat verbruikers ten gunste van volhoubare toerisme is, maar dat koste steeds die grootste invloed op hul keuses het. Die verslag, "Bridging the Say-Do Gap", ondersoek die gaping tussen wat reisigers sê oor volhoubaarheid en die keuses wat hulle uiteindelik maak.

Sigbaarheid

Dit verskaf leiding oor hoe ondernemings hierdie gaping kan aanspreek deur oplossings te bied wat volhoubare toerisme meer toeganklik en aantreklik maak, om ekonomiese groei en omgewingsverantwoordelikheid te balanseer.

Oor alle verbruikersegmente sê meer as 50% dat koste die belangrikste faktor is wat koop-besluite beïnvloed, terwyl sowat 30% kwaliteit prioritiseer.

‘n Gebrek aan sigbaarheid bly ‘n betekenisvolle versperring vir vooruitgang. Meer as 10% van respondente rapporteer dat hulle geen blootstelling het aan volhoubaarheid-boodskappe of inligting deur enige kanaal het nie, hetsy hoofstroom-media, sosiale platforms of gemeenskapsgedrewe inisiatiewe.

Julia Simpson, WTTC president en HUB, sê: "Kliënte verwag dat ondernemings bekostigbare volhoubaarheid-opsies sal skep. Deur die sê-doen gaping te sluit, beskerm ons nie net die planeet nie, maar verseker meer lonende ervarings vir kliënte en ‘n meer veerkragtige toekoms vir ons planeet."

‘n Ander verslag, Booking.com se 2024 Sustainable Travel Report, werp meer lig op die ontwikkelende landskap van volhoubare toerisme.

Terwyl hierdie navorsing ‘n voortgesette behoefte en bewustheid toon, met 83% van reisigers wat bevestig dat volhoubare toerisme vir hulle belangrik is, toon nuwe insigte voortdurende uitdagings wat reisigers ervaar met volhoubare reiskeuses.

Sertifiserings

Danielle D’Silva, Hoof van Volhoubaarheid by Booking.com, sê: "Dis belangrik dat ons steeds verseker dat meer volhoubare opsies geredelik beskikbaar is maar ook maklik is om te vertrou en begryp. Dit is waar ons glo dat verdere opvoeding, duidelike en konsekwente standaarde en geloofbare derdeparty-sertifisering van legitieme volhoubaarheid-praktyke dwarsdeur die reiservaring regtig kan help."

Om verblyf raak te loop wat aangedui word as meer volhoubaar is meer aantreklik vir byna die helfte van reisigers (45%). Konsekwente sertifiseringstandaarde is krities om hierdie opsies te identifiseer met 67% wat saam stem dat alle reisbespreking-webwerwe dieselfde volhoubaarheid-sertifisering of etikette behoort te gebruik.

Volgens ‘n derde verslag, die Trip.com Group Sustainable Travel Consumer Report, is daar in onlangse jare gesien dat ‘n groeiende aantal mense meer volhoubare toerisme onderskryf, met ‘n toenemende voorkeur vir verskaffers wat opsies met omgewings- en sosiale impak te bied.

Vanjaar se verslag beklemtoon die toenemende noodsaaklikheid om markbewustheid van meer volhoubare reise te verhoog, insluitend deur die verskaffing van meer deursigtige etikettering en verwydering van versperrings tot omgewingsbewuste keuses.

Die meeste wêreldreisigers sien nou toegang tot inligting oor volhoubare reisopsies as ‘n verbruikersreg eerder as ‘n nuwe of sekondêre kwessie, wat ‘n nuwe norm aandui.

Volhoubare reis dra die aanname dat mense tydelike gaste is in die tuiste van wild-lewe, met hierdie begrip ‘n spontane toewyding om die delikate ekostelsels wat ons verken te beskerm en te koester. Baie reisigers is toenemende waaksaam ten die koop van wildprodukte soos ivore en het opsetlik hul reise toegewy aan die bewaring van die natuur en sy diverse spesies.

Afgesien van ‘n gebrek aan verbruikersopvoeding, dra toenemende prys-sensitiwiteit in ‘n tyd van ekonomiese uitdagings en skerp stygende lewenskoste by tot mense se ambivalensie oor volhoubare toerisme, wat dikwels gepaard gaan met bykomende koste.

Een oplossing is om meer volhoubare opsies meer sigbaar beskikbaar te stel. Eenvoudige stappe soos die vertoning van ‘n volhoubaarheid-sertifikaat en die beskikbaarstelling van reiswenke sal ook reisigers lok.